Беларус вырашыў прайсці 100 кіламетраў пеша

• 31.10.2026, 21:14

Мэта — дапамагчы хворай дзяўчынцы.

Сяргей Ермак вырашыў прайсці 100 кіламетраў па маршруце Ратомка – Мінск – Слуцк, каб прыцягнуць увагу да лёсу Эміліі Карнейчук, гадовай дзяўчынкі, хворай на СМА.

Эмілія родам з Гомеля. У яе спінальная мышачная атрафія — захворванне, пры якім паступова гінуць рухальныя нейроны ў спінным мозгу, а мышцы становяцца ўсё слабей. Каб спыніць хваробу, неабходны прэпарат Zolgensma коштам 1,8 млн долараў, гэта прыблізна 5,3 млн беларускіх рублёў.

Каб дапамагчы дзяўчынцы, Сяргей прыдумаў чэлендж: прайсці сто кіламетраў ад Ратомкі да Слуцка і асвятляць свой шлях у сацыяльных сетках.

Мужчына ўжо пераадолеў больш за 60 кіламетраў. Рэквізіты для дапамогі Эміліі апублікаваныя ў ягоным акаўнце ў Instagram.