Пяскоў: Расія гатовая змагацца нават за адну сотую працэнта тэрыторыі «ДНР»

• 4.10.2026, 15:49

РФ працягне кідаць сваіх салдат у «мясныя штурмы».

Расія гатовая змагацца нават за малую частку тэрыторыі «ДНР», бо гэта — Расійская Федэрацыя. Пра гэта заявіў прэс-сакратар правіцеля Расіі Дзмітрый Пяскоў ІС «Вести».

«Ды хоць паўпрацэнта, хоць адна сотая працэнта... Тут няма чаго абмяркоўваць», — сказаў Пяскоў.

Ён адзначыў, што Расія адкрытая да перамоў, але «пакуль гэта немагчыма, мы будзем ваяваць ... наадмаш». Усе, хто будуе «планы па нанясенні сакрушальнага ўдару па Расіі, заплацяць за гэта сваю цану». Такую цяпер «плаціць Украіна», дадаў прадстаўнік Крамля.