Плошча лёду ў Антарктыдзе дасягнула мінімуму трэці раз у гісторыі

• 4.10.2026, 17:49

Адставанне ад сярэдняга максімуму склала 1 млн кв. км.

Плошча зімовага марскога лёду ў Антарктыдзе скарацілася да трэцяга мінімальнага значэння за ўсю гісторыю спадарожнікавых назіранняў. Адставанне ад сярэдняга максімуму склала 1 млн кв. км.

Пік быў зафіксаваны 14 верасня — 17,59 млн кв. км. Пры гэтым чатыры самыя нізкія зімовыя максімумы прыйшліся на апошнія чатыры гады. «Гэта не праблема будучыні. Гэта праблема сучаснасці», — кажа эксперт па Паўднёвым акіяне Арыян Пурыч. Паводле яе слоў, марскі лёд больш не пакрывае ранейшую плошчу акіяна, і гэта ўжо не адзінкавы выпадак.

Спадарожнікі сочаць за антарктычным лёдам з 1979 года. Улетку ён растае, узімку аднаўляецца, але ў апошнія гады рэкордна нізкія ўзроўні адзначаюцца ў абодвух сезонах. Змяншэнне лёду не ўплывае наўпрост на ўзровень мора, але аслабляе шэльфавыя ледавікі і пагражае марскім экасістэмам.