Мядзведзеў прыгразіў ЗША «касмічнай вайной»

• 4.10.2026, 18:48

Намеснік старшыні Савета бяспекі РФ абвясціў пра знішчэнне спадарожнікаў Starlink.

Намеснік старшыні Савета бяспекі РФ Дзмітрый Мядзведзеў 4 кастрычніка заявіў, што блакіроўка сеткі расійскіх спадарожнікаў «Рассвет», якія з’яўляюцца аналагам Starlink, будзе азначаць яе знішчэнне. І гэта нібыта закране і ЗША.

У прыватнасці, паводле слоў Мядзведзева, гэта прывядзе «да паўнавартаснай касмічнай вайны».

«Гэта, спадзяюся, разумеюць амерыканцы. Бо тады іх нізкаарбітальныя спадарожнікі Starlink пасыплюцца ўніз, як цацкі з засохлай каляднай ялінкі», — падкрэсліў ён.

Акрамя таго, Мядзведзеў выказаў меркаванне, што «касмас — вельмі цеснае месца», дзе «трэба быць узаемна ветлівымі».