Сатурн наблізіцца да Зямлі на кастрычніцкім небе

• 4.10.2026, 21:16

У гэты перыяд кольцы і спадарожнікі планеты бачны лепш.

У кастрычніку зямляне ўбачаць збліжэнне з Сатурнам, Марс у рассеяным скопішчы «Яслі» і два метэорныя патокі. 4 кастрычніка Зямля і Сатурн зблізяцца да 1,26 млрд км. У гэты перыяд кольцы і спадарожнікі апошняга бачны лепш. Каб разгледзець кольцы, патрэбны аптычны прыбор з павелічэннем ад 20-кратнага. Сатурн узыдзе на ўсходзе ўвечары, а каля першай гадзіны ночы будзе на поўдні на вышыні да 35 градусаў.

У ноч на 5 кастрычніка Месяц будзе побач з Марсам і дапаможа знайсці планету. Марс бачны пасля поўначы нізка над гарызонтам на паўночным усходзе. 11 і 12 кастрычніка Чырвоная планета пройдзе праз рассеянае скопішча «Яслі». У бінокль ці тэлескоп будзе відаць, як Марс акружаюць сотні прыкметных зорак.

У ноч на 9 кастрычніка чакаецца метэорны паток Драконіды, пры гэтым назіраць яго можна цягам усёй ночы.

У ноч на 22 кастрычніка Зямля перасячэ пылавы шлейф каметы Галлея — паток Арыёніды; яго інтэнсіўнасць дасягне 15–20 метэораў на гадзіну. Лепш назіраць перад світанкам, калі кропка вылету метэораў у сузор’і Арыёна паднімецца высока ў паўднёвай частцы неба.