Украіна паразіла больш за 51% расійскіх НПЗ

• 4.10.2026, 21:22

Пра гэта паведаміла Міністэрства абароны Украіны.

Сілы бяспекі і абароны Украіны вывелі з ладу больш за палову нафтаперапрацоўчых магутнасцей Расіі. Падобныя ўдары істотна аслабляюць ваенна-эканамічны патэнцыял агрэсара.

Пра гэта паведамляе Charter97.org са спасылкай на Міністэрства абароны Украіны.

Аналітыкі Генштаба, Мінабароны і разведка Украіны ацанілі наступствы нядаўніх дальнабойных атак.

Выведзена з ладу больш за 51% магутнасцей ворага, што стала вынікам планамернай працы па абяскрыўленні ваеннай машыны РФ.

У прыватнасці, апошнім часам пад удары трапілі Маскоўскі, Яраслаўскі і Пермскі НПЗ, КІНЭФ і Усць-Луга, Ільскі, Саратаўскі, Сызранскі і іншыя заводы.

«51% паражаных нафтаперапрацоўчых магутнасцей — істотны ўдар па эканоміцы ворага, па яго здольнасці здзяйсняць агрэсію і забяспечваць угрупаванне сваіх войскаў. Нашы deep strikes працягваюць пераносіць вайну на тэрыторыю Расіі», — падкрэсліў Хмара.

Эфект ад украінскіх аперацый назапашваецца і дае адчувальны вынік. Адным з галоўных прыярытэтаў Мінабароны застаюцца дальнабойныя ўдарныя дроны, здольныя паражаць мэты ў глыбіні РФ.

Паводле слоў кіраўніка абароннага ведамства, сёлета вытворчасць і закупкі такіх беспілотнікаў выраслі ў тры разы, а магчымасці для нанясення такіх удараў будуць і далей маштабавацца.