Беларусы адмаўляюцца ад алькаголю і бульбы

• 5.10.2026, 9:40

Рацыён жыхароў нашай краіны змяняецца.

Беларусы менш п'юць алькаголю і ядуць менш бульбы, але спажываюць больш мяса. Падрабязнасці падае Нацыянальны статыстычны камітэт.

У краіне за апошнія гады знізіўся ўзровень спажывання алькаголю. Калі ў 2020 годзе ён складаў 11,8 літра, то ў 2025 годзе — 10,9 літра. Тэндэнцыя да змяншэння захоўвалася на працягу апошніх пяці гадоў. Рост да 12 літраў быў зафіксаваны толькі ў 2021 годзе.

Асноўным відам алькаголю пазначаная гарэлка, на другім месцы — слабаалькагольныя напоі. Затым ідуць лікёры і віны. Найрадзей беларусы выбіраюць каньяк і брэндзі.

Разам з тым беларусы сталі есці менш бульбы. У 2020 годзе спажыванне бульбы ў разліку на душу насельніцтва складала 161 кілаграм, у 2023-м — 162 кіло, а ў 2024 і 2025 гадах — 159 кіло.

А вось спажыванне мяса і мясапрадуктаў у краіне павялічваецца. У 2010 годзе пазначана 84 кілаграма, а ў 2025-м — 104 кілаграма. Што да малочнай прадукцыі, то яе спажыванне знізілася ў 2021 і 2022 гадах да 237 і 238 кілаграмаў, а потым пачало расці. Па выніках 2025 года — 255 кіло.

Беларусы сталі есці больш гародніны, бахчавых культур, а таксама прадуктаў іх перапрацоўкі. Паводле даных за 2010 год пазначана 149 кілаграмаў, а ў 2025-м — 183 кіло.