План вайны: Драпаты рыхтуе рэвалюцыйнае рашэнне для Украіны

• 5.10.2026, 10:55

Дакумент ужо знаходзіцца на разглядзе ў СНБО.

Галоўнакамандуючы Узброенымі Сіламі Украіны Міхаіл Драпаты падрыхтаваў і перадаў на разгляд Савета нацыянальнай бяспекі і абароны (СНБО) так званы план вайны, паведамляе «Украінская праўда» са спасылкай на двух высокапастаўленых суразмоўцаў у панядзелак, 5 кастрычніка.

Паводле звестак СМІ, гэта, верагодна, першы ў сваім родзе «план вайны» для Украіны. Дакумент ужо некалькі тыдняў знаходзіцца на разглядзе ў СНБО.

«Нам патрэбная маштабная стратэгія — гадоў на 30, каб мы, як камандзіры, разумелі, у якім напрамку рухацца», — пракаментавалі ў кіраўніцтве аднаго з карпусоў.

Паводле звестак УП, план Драпатага павінен даць адказы на пытанні пра тое, што менавіта і ў якія тэрміны павінна зрабіць украінская армія дзеля захавання Украіны. У дакуменце таксама закранаецца пытанне падыходу войскаў да абароны — напрыклад, ці мэтазгодна трымаць на першай лініі салдат, якія выконваюць ролю «вачэй» і «вушэй», але практычна не маюць магчымасці ўступіць у бой.

УП адзначае, што раней украінскія ваенныя камандзіры неаднаразова скардзіліся на адсутнасць стратэгічнага бачання працягу вайны. Маўляў, як можна рухацца наперад, не разумеючы канчатковай мэты.