На гэтым тыдні ў Беларусі будзе вельмі цёпла

• 5.10.2026, 14:34

Прагноз надвор'я на 6–8 кастрычніка.

6 кастрычніка надвор'е ў Беларусі будуць вызначаць малаактыўныя франтальныя раздзелы, што перамяшчаюцца на фоне вобласці павышанага атмасфернага ціску. Чакаецца воблачна з праясненнямі, паведамляе Белгідрамет.

Пераважна па паўночнай палове краіны пройдуць невялікія дажджы. У начныя і ранішнія гадзіны ў асобных раёнах слабы туман. Вецер паўднёва-заходні, заходні умераны, раніцай і ўдзень парывісты, месцамі на поўначы да моцнага. Тэмпература паветра мінімальная ўначы +7..+12°С, максімальная ўдзень +16..+22°С. Атмасферны ціск уначы будзе слаба зніжацца, удзень істотна не зменіцца.

7 кастрычніка на фоне вобласці павышанага атмасфернага ціску надвор'е і далей будуць вызначаць малаактыўныя франтальныя раздзелы, што перамяшчаюцца з Заходняй Еўропы. Захаваецца воблачнае з праясненнямі надвор'е. Месцамі па рэспубліцы пройдуць невялікія дажджы. Уначы і раніцай у асобных раёнах туман. Вецер зменных напрамкаў умераны. Тэмпература паветра мінімальная ўначы +4..+9°С, месцамі да +12°С, максімальная ўдзень +13..+20°С, па поўдні да +22°С.

8 кастрычніка на тэрыторыю Беларусі чакаецца паступленне цёплых неўстойлівых паветраных мас з паўднёвага захаду Еўропы. Уначы чакаецца воблачна з праясненнямі, удзень пераменная воблачнасць. Месцамі па рэспубліцы пройдуць кароткачасовыя дажджы. Вецер паўднёвай чвэрці умераны, удзень парывісты. Тэмпература паветра мінімальная ўначы +5..+12°С, на паўночным усходзе +3..+4°С, максімальная ўдзень ад +15°С на поўначы да +24°С на поўдні.