У мінскім метро з'явяцца новыя вагоны

• 5.10.2026, 16:21

Іх закупаюць у Расіі.

У мінскім метро з'явяцца новыя вагоны. Дакладныя тэрміны назвалі ў Telegram-канале арганізацыі.

Прадстаўнікі метро сустрэліся з адным з асноўных сваіх партнёраў — кампаніяй «Трансмашхолдынг» (ТМХ) з Масквы, якая пастаўляе свае вагоны для падземкі.

Адбылася асобная сустрэча з генеральным дырэктарам мыцішчынскага завода АО «Метровагонмаш» (які ўваходзіць у склад ТМХ) Андрэем Степновым і яго калегамі.

Бакі абмеркавалі бягучыя этапы супрацоўніцтва і перспектывы далейшага ўзаемадзеяння.

Мыцішчынскі завод паабяцаў паставіць 15 новых вагонаў метро «Мінск 2024» для беларускай падземкі да канца 2026 года. Гэта прадугледжана кантрактам, заключаным у лютым 2026-га.