Мінчанін пра МТС: Проста хамскае стаўленне да кліентаў

• 5.10.2026, 16:28

Інтэрнэт не працуе, тэхпадтрымка не адказвае.

Мінчанін zmicer_artuh распавёў пра якасць абслугоўвання кліентаў мабільнага аператара МТС.

«Дзіка хачу пажаліцца на беларускі МТС, — піша ён. — Інтэрнэт у роўмінгу працуе проста агідна. Ўключаюць на пару хвілін і выключаюць, а як грошы спісваць — дык роўненька, своечасова.

Гэта проста хамскае стаўленне да кліентаў. Пішу ў тэхпадтрымку —— ігнаруюць. Калі ў каго такая ж сітуацыя, пішыце! Цікава, колькі нас».

Шмат карыстальнікаў сацыяльнай сеткі адзначылі, што якасць сувязі моцна ўпала ў апошнія месяцы — і на тэрыторыі краіны, і ў роўмінгу. Сайт Charter97.org прыводзіць некаторыя каментарыі:

— Калі МТС прапануе роўмінг, то і забяспечваць якасць гэтай прапановы таксама мусіць.

— Я пасля пары такіх паездак увогуле перастала спадзявацца на звычайны роўмінг. Цяпер загадзя ставлю eSIM, можна дакупіць пакет ужо ў дарозе, калі раптам сторыс з'елі ўвесь інтэрнэт.

Аўтару паста ў Threads адказалі і са службы падтрымкі аператара, патлумачыўшы дрэнную якасць сувязі абмежаваннямі, якія дзейнічаюць на тэрыторыі Расіі.