«Улада зменіцца, а фашыстаў чакае Мінскі трыбунал»

• 5.10.2026, 16:59

Дабро абавязкова пераможа.

Былая палітзняволеная Вольга Скрашчук павіншавала беларускіх настаўнікаў з прафесійным святам і ўспомніла пра тых выкладчыкаў, з якімі апынулася ў адной камеры турмы ў Жодзіне

«У Беларусі адзначылі Дзень настаўніка, — піша яна. — Я таксама хачу павіншаваць настаўнікаў і ўспомніць пра іх.

Са мной па «справе Зельцэра» сядзелі чатыры настаўніцы: англійскай мовы з міжнародным дыпломам, малявання, музыкі, заслужаная настаўніца рускай і беларускай моў і літаратуры, ёй было 71 год. Адну прывезлі ў Жодзіна ў кайданках, этапам.

71-гадовая настаўніца захварэла так моцна, што ў камеры ўвогуле не магла падняцца з нараў. Лекі не давалі. Заходзілі ахоўнікі, смяяліся і пыталіся, ці не здохла яна. Сыходзілі.

У 71 год чалавека паставілі на кукішкі з рукамі, злучанымі за спінай, яна ўпала і заплакала. А яшчэ сказалі, што нас расстраляюць. І гэтых настаўнікаў таксама.

З Днём настаўніка, дарагія настаўнікі ў Беларусі. Як вы выжываеце ў гэтай сістэме?»

Беларусы выказалі ўпэўненасць, што ўлада ў краіне зменіцца, а тыя, хто катаваў палітвязняў, панясуць пакаранне. Сайт Charter97.org прыводзіць некаторыя каментары:

— Дабро заўсёды перамагае зло, скончыцца яго час і час яго «сябра». Зараз хацелася б далучыцца да вашых віншаванняў.

— Настаўнікі ў 2020 здалі таракана і назвалі рэальныя вынікі выбараў. Яны ж у асноўным у камісіях галасы лічылі. Таму ў дзеда на іх зуб, ведаю, што выжываюць як могуць.

— Улада зменіцца, а фашыстаў чакае Мінскі трыбунал.