У Расіі ваенны дэзерцір забіў і расчленіў трох жанчын

• 5.10.2026, 18:14

Жудасная гісторыя адбылася ў Ніжагародскай вобласці.

У Ніжагародскай вобласці затрымалі дэзерціра з арміі, якога падазраюць у забойстве трох жанчын — сваёй сажыцелькі, яе маці і дачкі. Мужчына часткова прызнаў віну, піша тэлеграм-канал Mash.

Злачынства раскрылася пасля таго, як на пасту ДПС у Ніжнім Ноўгарадзе паліцыянты спынілі для праверкі мікрааўтобус «Газель». У кузаве яны выявілі рэшткі трох жанчын, разкладзеныя па мяшках, заплечніках і пакетах. Падазраваны, які знаходзіўся ў фургоне як пасажыр, уцёк. Вадзіцель заявіў, што пра змест кузава не ведаў.

Падазраванага хутка затрымалі. Паводле інфармацыі Следчага камітэта, ён быў дэзерцірам і хаваўся ў пасёлку Неклюдава пад горадам Борам. Там у яго адбыўся канфлікт з сажыцелькай. Мужчына некалькі разоў ударыў яе манціроўкай па галаве, ад чаго яна памерла.

Пасля гэтага мужчына паехаў у Ніжні Ноўгарад да маці і дачкі забітай і расказаў ім пра тое, што здарылася. Жанчыны вырашылі паведаміць у паліцыю пра здарэнне, але мужчына забіў іх той жа манціроўкай.

Пасля забойстваў ён расчленіў целы, расклаў рэшткі па пакетах і наняў «Газель». Мужчына збіраўся схаваць іх у лесе, аднак 5 кастрычніка фургон спынілі на пасту ДПС «Мяшчэрскі».

Затрыманаму прад'явілі абвінавачанні ў забойстве, забойстве двух і больш чалавек, а таксама ў дэзерцірстве. Сваю віну ён прызнаў толькі часткова.