Украінскія лётчыкі ў найбліжэйшы час пачнуць навучанне на знішчальніках Rafale

• 5.10.2026, 18:29

Акрамя таго, Францыя рыхтуе новую абаронную дапамогу Украіне.

У хуткім часе украінскія лётчыкі будуць трэніравацца на французскіх самалётах Rafale. Таксама Францыя рыхтуе новую абаронную дапамогу Украіне.

Пра гэта паведамляе Charter97.org са спасылкай на заяву прэзідэнта Украіны Уладзіміра Зяленскага у Facebook.

Пасля размовы з прэзідэнтам Францыі Эмануэлем Макронам Зяленскі падзякаваў краіне за поўную падтрымку Украіны.

«Абмеркавалі расійскую тэрарыстычную эскалацыю і нашы патрэбы ў абароне. Зараз рыхтуюцца новыя абарончыя пастаўкі і разлічваем, што ўжо хутка новы пакет будзе ва Украіне. Абмеркавалі яго напаўненне», — кажа ён.

Таксама украінскія лётчыкі ў хуткім часе пачнуць навучанне на французскіх самалётах Rafale ў Францыі.

«Гэта моцны крок для украінскай баявой авіяцыі», — упэўнены прэзідэнт.

Зяленскі таксама паведаміў, што каманды дзвюх краін працягваюць працу над лакалізацыяй вытворчасці французскіх ракет і авіябомбаў ва Украіне.

Таксама ішла размова пра еўрапейскую супрацьбалістычную сістэму FREYJA.

«Актыўна рыхтуем сістэму FREYJA. Абмеркавалі, дзе можам паскорыцца. Дамовіліся, што пагаворым пра ўсё больш падрабязна падчас сустрэчы», — кажа ён.