Польская армія змяняе форму

• 5.10.2026, 20:24

Прадстаўлены новы камуфляж «Рысь».

У Польшчы прадставілі новы ўзор вайсковай формы з камуфляжам K03 «Рысь». Прэзентацыя адбылася ў панядзелак, 5 кастрычніка, у штабе 1-й пяхотнай дывізіі Легіёнаў у Цехануве, перадае «Польскае радыё».

Віцэ-прэм'ер і міністр нацыянальнай абароны Польшчы Уладзіслаў Касіняк-Камыш падкрэсліў, што пры распрацоўцы формы асаблівую ўвагу надалі бяспецы і камфорту ваеннаслужачых.

«Гэта форма і яе камуфляж робяць ваеннаслужачага значна менш прыкметным як удзень, так і ўначы. Яна таксама значна зручнейшая для службы кожнага салдата і адаптаваная да патрэб жанчын і мужчын, якія служаць у Войску Польскім. Акрамя таго, гэта форма дазваляе аказваць дапамогу. Вы бачылі кішэню з маланкай, якую можна выкарыстоўваць як падтрымлівальную павязку для рукі, калі ваеннаслужачы паранены», — заявіў міністр.

Змены закрануць як крой, так і маскіровачны ўзор. Новы пяцікаляровы камуфляж K03 «Рысь» распрацавалі з удзелам ваеннаслужачых Сіл спецыяльных аперацый, выкарыстоўваючы іх практычны досвед.

Для вырабу формы прадугледжаныя больш лёгкія, эластычныя і трывалейшыя матэрыялы. Паводле слоў кіраўніка абароннага ведамства, спалучэнне новага крою і камуфляжу павінна палепшыць умовы службы і павысіць абароненасць польскіх ваеннаслужачых.