На руцэ Лукашэнкі заўважылі гадзіннік з золата і крокадзілавай скуры

• 6.10.2026, 6:31

Ідзе гаворка пра калекцыйную мадэль Patek Philippe.

Дыктатар Аляксандр Лукашэнка пастаянна дэманструе вобраз «простага чалавека з народу», аднак некаторыя дэталі ягонага вобразу паказваюць зусім іншую карціну.

Як піша «Тэлеграф», на некаторых фота на правай руцэ Лукашэнкі можна ўбачыць дарагі швейцарскі гадзіннік. Гэта мадэль Patek Philippe Calatrava 5120J з корпусам з 18-каратнага жоўтага золата.

Гадзіннік мае даволі просты выгляд: на цыфербладзе — рымскія лічбы, секунднай стрэлкі няма, а раменьчык зроблены з крокадзілавай скуры. У той жа час кошт аксэсуара зусім не «просты і народны».

Patek Philippe — адзін з самых вядомых швейцарскіх брэндаў раскошных гадзіннікаў. Мадэль Calatrava 5120J цяпер з'яўляецца калекцыйнай. Яе кошт на рынку можа складаць каля 20 тысяч еўра.