Пуцін тройчы зганьбіўся на Дні настаўніка

• 6.10.2026, 8:39

Расійскаму дыктатару становіцца ўсё складаней выказваць свае думкі.

73-гадоваму расійскаму дыктатару Уладзіміру Пуціну становіцца ўсё складаней выказваць свае думкі.

На мерапрыемстве, прысвечаным Дню настаўніка, ён тройчы скафузіўся. Dialog.UA разбіраўся ў падрабязнасцях.

Першыя два канфузы адбыліся пры спробе кіраўніка Крамля прадэкламаваць знакаміты верш Фёдара Цютчава «Розумам Расію не зразумець». Ён не здолеў запомніць усе чатыры радкі і прамовіў іх няправільна: сказаў «У Расію трэба проста верыць» замест арыгінальнага «У Расію можна толькі верыць».

Пры гэтым Пуцін сцвярджаў, што гэтае чатырохрадкоўе расійскія школьнікі «ўсмакталі з малаком маці». У Сеціве гэты момант ужо высмяялі, адзначыўшы, што кіраўніка Крамля, відаць, даволі позна адвучылі ад грудзей.

Апафеозам гэтага выступлення стала спроба Пуціна патлумачыць важнасць выхавання інтэлектуальнай эліты. Ён не здолеў зразумела выказаць свае думкі і сказаў роўна супрацьлеглае. «Нам нельга стварыць сітуацыю, пры якой у нас узнікне інтэлектуальная эліта, якую навучылі думаць і людзі, якія, якія па сваім інтэлектуальным развіцці адыходзяць на другі — трэці план. Вось ні ў якім разе нельга дапусціць такой сітуацыі. Ад педагогаў, ад настаўнікаў вельмі многае тут залежыць!» — сказаў дыктатар РФ.

У Сеціве лічаць, што ён міжволі раскрыў праўду пра сваю палітыку адносна расійскай моладзі. Доказам гэтага з’яўляецца рэкордны з 1990-х гадоў адток мазгоў з РФ — краіну за апошнія 6 гадоў пакінулі не менш як 60 тыс. навукоўцаў.