Прэзідэнт Польшчы выйшаў на рынг з іменітым баксёрам Мэнні Пак’яо

• 8.10.2026, 12:42

Сустрэча адбылася падчас афіцыйнага візіту Навроцкага на Філіпіны.

Былы чэмпіён свету па боксе Мэнні Пак’яо правёў трэніроўку з прэзідэнтам Польшчы Каролем Навроцкім.

Адпаведнае відэа 47-гадовы экс-чэмпіён свету ў васьмі вагавых катэгорыях апублікаваў у сваіх сацыяльных сетках.

Пасля сумеснай трэніроўкі Пак’яо адзначыў, што для яго было гонарам патрэніравацца з польскім лідарам.

Сустрэча адбылася падчас афіцыйнага візіту Навроцкага на Філіпіны. У аўторак прэзідэнт Польшчы распачаў першы ў гісторыі афіцыйны візіт кіраўніка польскай дзяржавы ў гэтую краіну.

Прафесійны рэкорд Пак’яо — 62 перамогі, 8 паразаў і 3 нічыі, 39 перамог нокаутам.