За выдаленне двух зубоў у мінчанкі запатрабавалі 580 рублёў

• 8.10.2026, 16:03

Ці адэкватная гэта цана?

Мінчанка падзялілася ў Threads квітанцыяй аб аплаце выдалення двух зубоў. Паводле дакумента, ёй давялося заплаціць за гэта больш за 580 рублёў.

«Мінск, ці адэкватны кошт выдалення двух зубоў? — спытала яна. — Можа, нехта парэкамендуе стаматалогію ў Мінску з нармальнымі цэнамі?»

Карыстальнікі сацсеткі параілі аўтарцы паста звяртацца ў дзяржаўныя клінікі. Сайт Charter97.org прыводзіць некаторыя каментарыі:

— Калі не тэрмінова, то лепш у платныя клінікі не ісці, там паўсюль цэны захмарныя.

— У бясплатных рвуць яшчэ лепш: хірург лепшы, чым у гэтых платных. Рука набіта.

— На тое яна і прыватная медыцына, што вы за яе плаціце, ідзіце ў дзяржаўную і выдаляйце бясплатна. Заўсёды ёсць выбар!

— Ідзіце ў 11-ю стаматалогію горада Мінска, там выдатны лекар: вельмі складаны зуб мудрасці выдаліла за пяць хвілін за 90 рублёў. А ў платнай за такі ж з мяне ўзялі 310 рублёў і мучылі 45 хвілін — не маглі дастаць.

Некаторыя карыстальнікі параўналі цэны на стаматалагічныя паслугі ў Беларусі і краінах ЕС:

— Няхіла! У Італіі выдаленне аднаго зуба з пазначанымі паслугамі 70–90 еўра.

— Цэны еўрапейскія, заробкі беларускія. Як так?