Згушчонка, мёд ці глазіраваны сырок: беларусы выбіраюць ядомы брэнд

• 8.10.2026, 16:54

Што можа замяніць стэрэатыпную бульбу?

У сацсетках разгарэлася спрэчка пра тое, што магло б стаць «ядомым» брэндам Беларусі. «Уявіце альтэрнатыўную рэальнасць, у якой наша радзіма ніколі не стала б «краінай бульбы». Які прадукт тады быў бы галоўным беларускім сімвалам?» — спытаў адзін з карыстальнікаў Threads.

У адказ беларусы прапанавалі мноства варыянтаў. Найбольш папулярнымі чамусьці сталі салодкасці — згушчанае малако, глазіраваныя сыркі і мёд.

Таксама карыстальнікі сацсеткі назвалі ў якасці альтэрнатывы бульбе рэпу, кабачкі, льняны алей, бліны, сала.

Шмат хто падкрэсліў якасць малочных прадуктаў — сыру і сметаны.

Не забыліся беларусы і пра алкаголь, назваўшы збіцень і крупнік.