СМІ: Кашпіроўскага пахаваюць ва Украіне

• 8.10.2026, 17:55

Яго цела даставяць у Вінніцу.

Расійскага псіхатэрапеўта Анатоля Кашпіроўскага пахаваюць ва Украіне. Пра гэта паведаміў пляменнік лекара Юрый Мамаеў.

«Кашпіроўскага пахаваюць ва Украіне. Такое рашэнне прынялі родныя псіхатэрапеўта, бо там ён нарадзіўся і пачынаў сваю дзейнасць», — сказаў Мамаеў. Яго словы перадае ТАСС.

Раней былая памочніца Кашпіроўскага распавяла, што ён завяшчаў пахаваць яго побач з маці ў Вінніцы. Пры гэтым жонка псіхатэрапеўта Гулізар пакуль не ведае, як перавезці яго цела ва Украіну.

Кашпіроўскі памёр ва ўзросце 87 гадоў. Апошнімі месяцамі вядомы псіхатэрапеўт змагаўся з анкалагічным захворваннем — у яго выявілі рак страўніка чацвёртай стадыі.