«Мінсктранс», вы наогул абнаглелі?»

• 8.10.2026, 19:02

Мінчукі спазняюцца на працу з-за таго, што транспарт не ходзіць паводле раскладу

Многія жыхары сталіцы пішуць у сацыяльнай сетцы Threads пра тое, што аўтобусы і тралейбусы не прыязджаюць своечасова на прыпынак.

«Мінсктранс», вы наогул ужо абнаглелі? – звяртаецца да сталічнага прадпрыемства адна з гараджанак. – SOS! З раёна 6-й бальніцы ў Лошыцу не даехаць! Пастаянна аўтобусы не прыходзяць, у прыватнасці №№84 і 2С! У Лошыцу мая маці-пенсіянерка не можа даехаць! Чаму час пазначаны і ў табліцы, і на сайце, а аўтобусы не прыязджаюць? І гэта сталіца!»

«Раніцай своечасова дабрацца на працу ў цэнтр з Сухарава — задача са зорачкай. Даводзіцца выходзіць на паўгадзіны раней, бо ніколі не ведаеш, ці прыедзе тралейбус своечасова, ці яго наогул не будзе», — піша іншая мінчанка.

«Увечары чакала аўтобус. Сын махнуў рукой і пайшоў пешшу. Я сорак хвілін прачакала, аўтобус проста знік з раскладу, у выніку села на іншы маршрут. Маршрут 88С, стаяла на станцыі «Дыспетчарскі пункт «Аўтазаводская» да 10-й бальніцы», — распавядае жыхарка сталіцы.