Дачка Домрачавай і Б'ёрндалена зноў паднялася на п'едэстал пашаны

• 8.10.2026, 19:10

Ксенія Б'ёрндален выступіла на Сталічным кубку па лыжаролерах і кросе.

Дачка алімпійскіх чэмпіёнаў па біятлоне Дар'і Домрачавай і Уле-Эйнара Б'ёрндалена Ксенія выступіла на трэцім этапе Сталічнага кубка па лыжаролерах і кросе.

Пра гэта паведамляе BetNews.

Ксенія Б'ёрндален прабегла 1 км кросу за 3:52.4 і заняла трэцяе месца сярод дзяўчат 2016–2017 гадоў нараджэння.

Яе адставанне ад пераможніцы Веранікі Тухто склала 7,2 секунды. Серабро заваявала Марыянна Мацеленак і апярэдзіла Б'ёрндален на 0,3 секунды.

Спаборніцтвы прайшлі ў парку «Курасоўшчына». Усяго на старт у гэтай узроставай катэгорыі выйшлі 23 спартсменкі.

Раней 10-гадовая дачка Домрачавай і Б'ёрндалена перамагла на першым і другім этапах Сталічнага кубка, перамогшы ў гонках на лыжаролерах свабодным стылем і ў класіцы.

Дар'я Домрачава за сваю кар'еру заваявала чатыры залатыя медалі Алімпійскіх гульняў, двойчы станавілася чэмпіёнкай свету. Сезон-2014/15 беларуска завершыла ў статусе ўладальніцы «Вялікага крыштальнага глобуса».

Нарвежскі біятланіст Уле-Эйнар Б'ёрндален — рэкардсмен сярод прадстаўнікоў зімовых відаў спорту па колькасці залатых алімпійскіх медалёў. У яго, як і ў лыжнікаў Марыт Б'ёрген і Б'ёрна Дэлі, па восем залатых узнагарод.

Б'ёрндален таксама з'яўляецца 20-разовым чэмпіёнам свету і шасціразовым пераможцам агульнага заліку Кубка свету.

Тытулаваныя біятланісты пажаніліся ў 2016 годзе. Пара выхоўвае дзвюх дачок.