Дзесяць самалётаў не змаглі прызямліцца ў маскоўскім Внукаве

• 8.10.2026, 19:30

У авіягавані ўжо больш за тры гадзіны дзейнічаюць абмежаванні на палёты.

10 самалётаў, што ляцелі ў маскоўскі аэрапорт Внукава, накіравалі на запасныя аэрадромы. Пра гэта паведаміла прэс-служба Внукава. У авіягавані больш за тры гадзіны дзейнічаюць абмежаванні на палёты.

Абмежаванні на працу Внукава, Дамадзедава і Жукоўскага ўвялі каля 15:20 па Мінску. Пазней у Шарамецьеве пачалі дзейнічаць частковыя абмежаванні — аэрапорт абслугоўвае рэйсы па ўзгадненні з кампетэнтнымі органамі.

Неўзабаве пасля закрыцця аэрапортаў губернатар Маскоўскай вобласці Андрэй Вараб’ёў паведаміў пра ўдар БПЛА па Падольску.