Трамп адказаў, ці запрасіць Зяленскага на саміт G20

• 1.11.2026, 8:36

Адказ амерыканскага лідара быў кароткі і ясны.

Прэзідэнт ЗША Дональд Трамп заявіў, што запрасіць прэзідэнта Украіны Уладзіміра Зяленскага на саміт G20, які пройдзе ў Маямі. Паводле яго слоў, ён не бачыць у гэтым праблемы.

Пра гэта паведамляе Rapid Response 47 у сацсетцы Х.

Падчас зносін з прэсай журналісты спыталі, ці запрасіць Трамп Зяленскага на саміт G20, паколькі дыктатара РФ Уладзіміра Пуціна ЗША запрасілі. Адказ амерыканскага лідара быў кароткі і ясны.

«Я б... так, я б з задавальненнем. Без праблем», — сказаў кіраўнік Белага дома.

Заўважым, што ўчора, 31 кастрычніка, дзяржсакратар Марка Рубіё казаў, што візіт Зяленскага на G20 залежыць ад таго, ці атрымае ён такое запрашэнне ад Трампа. На той момант ён паведамляў, што канчатковае рашэнне яшчэ не было прынята.

Нагадаем, што саміт G20 запланаваны на 14–15 снежня ў Маямі. Раней, у верасні, ЗША запрасілі на гэта мерапрыемства дыктатара РФ Уладзіміра Пуціна. Патэнцыйна паміж Трампам і Пуціным можа адбыцца сустрэча.

Пасля гэтага Зяленскі прапанаваў Пуціну правесці сустрэчу ў межах гэтага саміту, але кіраўнік Крамля адмовіўся. Сам Трамп нядаўна казаў, што не ведае, ці пагодзіцца Пуцін на трохбаковую сустрэчу ў Маямі.