Легендарныя Dzieciuki святкуюць юбілей у Варшаве

• 1.11.2026, 9:32

12 лютага ў клубе Proxima.

12 лютага ў клубе Proxima ў Варшаве музыкі вядомага беларускага фолк-панк-гурта Dzieciuki адсвяткуюць сваё 15-годдзе, паведамілі Charter97.org арганізатары.

Арганізатары абяцаюць, што гэты вечар «стане сапраўдным святам, якое немагчыма прапусціць».

«Усе галоўныя хіты: ад класікі да найноўшых баявых гімнаў, якія вы ведаеце на памяць і спяваеце ва ўсё горла.

Асаблівыя госці: на сцэну выйдуць сябры гурта, каб дадаць святу яшчэ больш драйву і нечаканасцяў.

Шалёная атмасфера: слэм, гарачыя танцы, тая самая непаўторная энергія, ад якой іскры ляцяць з-пад ног.

Збіраемся разам, каб сарваць галасы, абняць сваіх і даказаць, што нашы песні гучаць гучней за любыя перашкоды!», — паведамілі арганізатары юбілейнага канцэрта.

Квіткі можна набыць па спасылцы.