Ці вырашыў Пуцін перасесці на «Волгу»?

• 1.11.2026, 12:54

Пяскова падключылі да прапаганды расійскага аўтапрама.

Пакуль Расія працягвае наносіць масіраваныя ўдары па ўкраінскіх гарадах і мірным насельніцтве, дыктатар РФ Уладзімір Пуцін можа папоўніць уласны аўтапарк новай машынай расійскай вытворчасці. Гаворка ідзе пра Volga, якую кіраўнік Крамля асабіста выпрабаваў у жніўні 2026 года, піша OBOZ.UA.

Пра гэта паведаміў прэс-сакратар прэзідэнта РФ Дзмітрый Пяскоў. Заяву апублікавала расійскае выданне «Гаворыць Масква».

Пяскоў нагадаў, што Пуцін ужо меў магчымасць выпрабаваць аўтамабіль Volga падчас візіту ў Ніжні Ноўгарад.

Расійскаму дыктатару машына спадабалася. Падчас паездкі Пуцін, нібыта, «станоўча адгукнуўся пра кіравальнасць аўтамабіля». У прыватнасці, ён заявіў, што «машына добра і лёгка едзе, а таксама адзначыў шумаізаляцыю салона».

Аўтамабілі Volga выпускаюць на былым заводзе нямецкага канцэрна Volkswagen у Ніжнім Ноўгарадзе. Афіцыйны старт продажаў мадэлі адбыўся 19 чэрвеня 2026 года.

Такім чынам, расійскі дыктатар можа стаць адным з уладальнікаў аўтамабіля, які пазіцыянуюць як прадукт расійскага аўтапрама.