Беларусь у лістападзе апынецца ў зоне тэмпературнай анамаліі

• 1.11.2026, 16:52

Будзе цяплей за норму.

Нягледзячы на прагназаваны першы снег і халад у пачатку лістапада ў Беларусі, у цэлым месяц можа выйсці са станоўчай тэмпературнай анамаліяй, гэта значыць цяплей за норму. Пра гэта сведчаць вядучыя сусветныя тэмпературныя мадэлі.

Так, брытанская Unified Model (UM) прагназуе станоўчую анамалію ў 1–2°C у лістападзе ў Беларусі. «І гэта нямала», — адзначылі аўтары Telegram-канала Nadvorie.

Еўрапейскі цэнтр сярэднетэрміновых прагнозаў надвор'я (ECMWF) са свайго боку не бачыць істотных адхіленняў ад нормы напрыканцы восені ў Беларусі.

А канадская мадэль CanSIPS і амерыканская CFSv2 прагназуюць станоўчую тэмпературную анамалію з адхіленнем на 0,25–1°C ад нормы. Аднак яны пабудавалі свой прагноз на падставе кліматычнага набору даных за 1981–2010 гады.