Расія за месяц страціла 11 самалётаў і два верталёты

• 1.11.2026, 18:42

Беззваротна.

У авіяцыйным здарэнні 21 кастрычніка ў Калінінградскай вобласці пацярпелі адразу два расійскія знішчальнікі Су-30. Адзін разбіўся, а другі атрымаў сур'ёзныя пашкоджанні крыла. Фота пашкоджанага знішчальніка апублікавала OSINT-супольнасць «Бджоли».

За кастрычнік Расія беззваротна страціла 11 самалётаў і два верталёты Мі-8. Яшчэ два Су-34 і гэты Су-30СМ2 атрымалі сур'ёзныя пашкоджанні.

Здымкі атрыманыя ад крыніц на авіябазе Балтыйскага флоту ў Чарняхоўску. На іх зафіксаваны Су-30СМ2 з абазначэннем «89 сіні» — самалёт, перададзены расійскай марской авіяцыі ў лістападзе 2025 года. Да пашкоджання ён праслужыў менш за год.

Вонкавая частка крыла разбураная: абшыўка разарваная, частка канструкцыі адсутнічае, унутраныя элементы аголеныя і дэфармаваныя. Выданне ацэньвае неабходны рамонт як сур'ёзны і дапускае замену ўсяго крыла на заводзе.

Характар пашкоджанняў дае падставы меркаваць пра сутыкненне двух знішчальнікаў падчас сумесных паказальных манеўраў.

Раней паведамлялася толькі пра падзенне Су-30СМ паміж Цімафееўкай і Зялёным Борам. Абодва лётчыкі катапультаваліся, атрымалі траўмы і былі шпіталізаваныя. Выбух пасля крушэння трапіў на запіс з могілак, дзе знаходзіліся расійскія вайскоўцы з музычнымі інструментамі.