Фотафакт: Прэзідэнт і прэм'ер Польшчы былі разам

• 10.11.2026, 10:35

Марш цішыні прайшоў у Кракаве.

Марш цішыні ў памяць пра ахвяр суботняга нападу ў Кракаве прайшоў у панядзелак ад будынка адміністрацыі горада Кракава на плошчы Усіх Святых да Галоўнай рыначнай плошчы, піша Onet.

У шэсці па запрашэнні мэра горада Лукаша Гібалы ўдзельнічалі як прэзідэнт Польшчы Кароль Навроцкі, так і прэм'ер-міністр Дональд Туск. Іх суправаджаў таксама кракаўскі мітрапаліт кардынал Гжэгаж Рысь.

Усе чацвёра ўсклалі свечкі ў тым месцы, дзе 24-гадовы нападнік смяротна параніў шасцярых чалавек на Галоўнай рыначнай плошчы. Раней трубач выканаў марыяцкі хейнал, а таксама кампазіцыю «Sound of Silence» дуэта Simon & Garfunkel, напісаную Полам Сайманам.

«Увесь гэты шлях мы прайшлі ў маўчанні. Малітва не павінна быць шматслоўнай. Запрашаю вас да самай простай малітвы, якую мы ведаем», — сказаў кардынал Гжэгаж Рысь, прачытаўшы разам з прысутнымі малітвы «Ойча наш» і «Вечны спакой».