Выніковая гульня Аляксея Пратаса дапамагла «Вашынгтону» выраваць перамогу ў «Атавы»

• 11.11.2026, 10:29

Ужо на 1-й хвіліне беларускі форвард запісаў сабе ў актыў галявую перадачу.

У матчы рэгулярнага чэмпіянату НХЛ «Вашынгтон Кэпіталз» у гасцях аказаўся мацнейшы за «Атаву Сенатарз» з лікам 3:2 (у авертайме), паведамляе belarushockey.com

У складзе сталічнай дружыны беларускі форвард Аляксей Пратас быў заяўлены ў трэцяй тройцы разам з П’ерам-Люкам Дюбуа і Томам Уілсанам.

Беларускі нападнік Ілля Пратас гуляў у чацвёртай тройцы з Бунам Джэнерам і Раянам Леанардам.

Ужо на 1-й хвіліне Аляксей Пратас запісаў сабе ў актыў галявую перадачу, калі абаронца Мэт Рой дальнім кідком паразіў вароты Самуэля Эрсана.

У выніку Аляксей Пратас згуляў 15:33 (з іх 1:38 — у меншасці), набраў 1 (0+1) ачко, нанёс 2 кідкі (1 з іх міма варот), заблакаваў 1 кідок, дапусціў 1 страту, выканаў адзін сілавы прыём і завяршыў матч з паказчыкам карыснасці «+1».

У бягучым сезоне ў Аляксея 16 гульняў і 8 (2+6) выніковых ачкоў.

Ілля Пратас правёў на лёдзе 10:49 (з іх 2:10 — у большасці), прайграў 2 з 5 укідванняў (40%) і закончыў сустрэчу з паказчыкам карыснасці «-1». Адзначым, што ў Пратаса-малодшага быў найменшы айстайм у камандзе.

У бягучым сезоне ў Іллі 16 гульняў і 6 (1+5) выніковых ачкоў.

Наступны матч «Вашынгтон» правядзе 13 лістапада ў гасцях супраць «Нью-Джэрсі Дэвілз». Пачатак сустрэчы — а 03:00 па мінскім часе.

Атава – Вашынгтон – 2:3 (0:1, 2:0, 0:1, 0:1)

0:1 – 1 Рой (Пратас, Чыкран)

1:1 – 31 Грэйг (Амадыё, Шабо)

2:1 – 36 Ходжсан (Холідэй, Шабо)

2:2 – 52 Дюбуа (Уілсан, Хатсан)

2:3 – 61 Хатсан (Строум, Авечкін)

Варатары: Эрсан 14/17 — Логан Томпсан 24/26.

Выніковая гульня Аляксея Пратаса дапамагла «Вашынгтону» выраваць перамогу ў «Атавы», Ілля Пратас застаўся без ачкоў

Вынікі матчу з удзелам беларускіх хакеістаў.