«Белавія» абвясціла зніжкі да 50% на авіяквіткі толькі на адзін дзень

• 11.11.2026, 11:48

Можна танней наведаць Батумі і Ерэван.

Беларускі авіяперавозчык «Белавія» абвясціў пра зніжкі на квіткі па больш чым дваццаці напрамках. Пра гэта паведамляецца ў тэлеграм-канале кампаніі.

Акцыя праходзіць 11 лістапада. Тарыф «Promo» дае зніжку ад 30% да 50% ад мінімальных апублікаваных тарыфаў на прамыя рэгулярныя рэйсы з Мінска ў Баку, Бангкок, Дэлі, Дубай, Ерэван, Матталу, Санью, Ташкент, Тбілісі, Туркменбашы, Урумчы, Алматы, Астану, Батумі, Кутаісі, Стамбул. Квіткі можна набыць у абодва бакі, а таксама на рэйсы Брэст — Масква і Гомель — Масква і назад.

Зніжкавыя квіткі дзейнічаюць на вылеты да 27 сакавіка 2027 года ўключна. Зніжка не распаўсюджваецца на таксы і зборы.