Беларусаў папярэдзілі пра новыя правілы выгулу сабак

• 11.11.2026, 15:05

Уладальнікаў жывёл чакаюць новаўвядзенні.

Уладальнікаў сабак у Беларусі чакаюць змены. Міністэрства жыллёва-камунальнай гаспадаркі пракаментавала палажэнні новага праекта пастановы Савета Міністраў «Аб мерах па рэалізацыі Закона Рэспублікі Беларусь «Аб адказным абыходжанні з жывёламі», у якім зменяцца патрабаванні да прагулак.

Згодна з праектам правілаў, сабак трэба выгульваць на павадку. Яго даўжыня і трываласць павінны дазваляць гаспадару поўнасцю кантраляваць паводзіны гадаванца. Мэта нормы, як тлумачаць у міністэрстве, — забяспечыць бяспеку навакольных людзей і іншых дамашніх жывёл, а таксама выключыць псаванне чужой маёмасці.

Для свабодных прагулак прадугледжаны асобныя зоны. Праект выразна размяжоўвае месцы выгулу: адпускаць сабаку з павадка і дрэсіраваць яе прапануецца толькі на спецыяльных пляцоўках. Гэта агароджаныя і абсталяваныя месцы, дзе ўладальнікі змогуць ладзіць актыўныя прагулкі і трэніроўкі, не перашкаджаючы астатнім грамадзянам.