Мінчукі выкрылі краму «Алмі» ў падмане

• 11.11.2026, 16:27

На цэнніку ёсць зніжка, а на касе — няма.

Мінчанка распавяла ў сацыяльнай сетцы Threads пра тое, як яе падманулі ў адной з крам сеткі «Алмі».

«Ганьба краме «Алмі», — піша яна. — Навошта рэкламаваць акцыю 1+1 і выстаўляць гэтыя таблічкі і цэннікі на тавар, калі ў вас ужо другі дзень на касе гэты ж тавар прабіваюць па поўнай цане?

Пакупнік бярэ, бачачы зніжку, а на касе нават не папярэджваюць пра тое, што яе няма. Калі кажаш, што ў цябе тавар па акцыі 1+1, паказваюць на ледзь прыкметную паперку, у якой напісана нешта пра збой праграмы і пра тое, што тавар трэба купляць па поўнай цане.

Колькі людзей так падманулі за два дні?»

Мінчукі ў каментарыях, як заўважыў сайт Charter97.org, адзначылі, што падобная праблема была ў розных крамах сеткі, і параілі тым, хто набыў «са зніжкай» тавары па іх поўнай цане, звяртацца ў Міністэрства антыманапольнага рэгулявання і гандлю Рэспублікі Беларусь.