Цэны ўзляцелі ў космас

• 11.11.2026, 18:48

У беларусаў назбіраліся пытанні да Белстата.

Карыстальнікі сацсеткі Threads абмяркоўваюць нядаўна апублікаваныя звесткі Белстата пра сярэдні заробак у краіне.

«Кожны раз, калі ў навінах выходзяць справаздачы пра „сярэдні заробак па Мінску ў 2500–3000 BYN“, дзесьці плача адзін рэальны мінчанін, — піша адзін з жыхароў сталіцы. — Заходзіш на „Куфар“ або сайты вакансій, а там — касір 1200, інжынер 1500, спецыяліст са знаннем софту — максімум 1800.

Адкуль вы бераце гэтыя сярэднія лічбы? Вы лічыце заробкі топ-менеджараў банкаў разам з заробкамі дварнікаў і дзяліце напалам?»

У людзей выбухае мозг: цэннікі ў «Кароне» ці «Грыне» ўзляцелі ў космас, арэнда аднапакаёвай хрушчоўкі каштуе як нумар у гатэлі, а рэальны даход у 80% людзей затрымаўся дзесьці на ўзроўні «хапае на ежу».

Аўтар публікацыі спытаў у карыстальнікаў сацсеткі з Мінска, ці атрымлівае хто-небудзь заробак, супастаўны з дадзенымі Белстата, але з больш чым 50 каментатараў такіх знайшлося толькі некалькі чалавек.