Буданаў падвёў вынікі перамоў у Абу-Дабі

• 11.11.2026, 20:14

Прыярытэты Украіны застаюцца нязменнымі.

Прыярытэты Украіны ў дачыненні да пазіцый на мірных перамовах застаюцца нязменнымі. Гэта спыненне агню, фарміраванне архітэктуры бяспекі і абмен палоннымі.

Пра гэта заявіў кіраўнік Офіса прэзідэнта Украіны Кірыл Буданаў у Telegram.

Па словах Буданава, галоўныя задачы Украіны:

як мага хутчэй дасягнуць справядлівага і ўстойлівага міру,

захаваць жыццё ўкраінцаў,

забяспечыць бяспеку краіны.

«На працягу двух дзён у Абу-Дабі ўкраінская дэлегацыя працавала над пошукам шляхоў завяршэння вайны», — кажа ён.

Буданаў адзначыў, што перамовы былі няпростымі, аднак пазіцыя Украіны застаецца нязменнай: неабходна спыніць вайну і сфармаваць дзейсную архітэктуру бяспекі, якая будзе гарантаваць устойлівасць міру і зробіць немагчным паўтарэнне агрэсіі РФ.

Паводле Буданава, Украіна мае істотны вынік у пытанні вяртання палонных, і гэта безумоўны прыярытэт.