Украіна пацвердзіла паспяховы ўдар па порце ў Усць-Лузе і па ракетным караблі

• 11.11.2026, 20:34

Усць-Луга — адзін з ключавых экспартных вузлоў Расіі на Балтыцы.

Украінскія вайскоўцы ў ноч на 11 лістапада паразілі партавую і нафтавую інфраструктуру ў Усць-Лузе.

Ленінградскай вобласці Расіі, а таксама ракетны карабель «Буян-М», паведаміла СБУ.

«Паводле папярэдняй інфармацыі, на тэрмінале «НоваТЭК-Усць-Луга» беспілотнікі паразілі аб’екты інфраструктуры, у прыватнасці некалькі рэзервуараў аб’ёмам па 30 тысяч тон кожны. Таксама адбыўся разліў нафтапрадуктаў. На тэрмінале «Усць-Луга Ойл» пашкоджаны шэраг рэзервуараў з нафтапрадуктамі, там бушуе маштабны пажар. Акрамя таго, зафіксавана ўзгаранне на тэрмінале АО «Фактор» і на чыгуначнай станцыі Лужская», — паведамілі ў СБУ.

Таксама вайскоўцы ўдарылі па ракетным караблі «Нара-Фамінск» праекта «Буян-М». Гэта судна — носьбіт крылатых ракет «Калібр» і «Онікс», спушчана на ваду ў 2022 годзе.

Акрамя таго, СБУ правярае інфармацыю аб знішчэнні баявых верталётаў РФ.

Нагадаем, у ноч на 11 лістапада Ленінградская вобласць Расіі пацярпела ад атакі беспілотнікаў. Над рэгіёнам збілі 150 БПЛА. Маніторынгавы канал Exilenova+ паведаміў, што ў порце ў Усць-Лузе пачаўся моцны пажар, магчыма, загарэліся і танкеры.

Усць-Луга — марскі гандлёвы порт у Кінгісепскім раёне Ленінградскай вобласці паблізу аднайменнага пасёлка. Адзін з ключавых экспартных вузлоў Расіі на Балтыцы.

Паводле даных расійскіх праваенных тэлеграм-каналаў, падчас адбіцця дронавай атакі на Санкт-Пецярбург пацярпеў крушэнне расійскі вайсковы верталёт.