Пад Мінскам дабудоўваюць новую дарогу

• 13.11.2026, 18:10

Хочуць знізіць нагрузку на МКАД.

Пад Мінскам завяршаецца будаўніцтва аўтамабільнай дарогі Калядзічы – Гатова. Што яшчэ трэба зрабіць і калі плануюць адкрыць рух транспарту, паведамілі ў адміністрацыі Кастрычніцкага раёна.

На завяршальнай стадыі знаходзяцца асноўныя будаўніча-мантажныя работы.

Асфальтабетоннае пакрыццё ўкладзена па ўсёй працягласці трасы. Аднак з ім яшчэ трэба выканаць шэраг дадатковых работ.

Засталося ўкласці верхні пласт асфальту на асобных участках і ў фрэзаваных зонах існуючай дарогі. Акрамя таго, трэба ўладкаваць прымыканне да новага скрыжавання.

З дарожнай разметкай таксама амаль разабраліся: засталося нанесці яе на ўчастку каля 1500 м у раёне Калядзічаў.

Калі там паедзе транспарт

Адкрыццё руху па новай дарозе Калядзічы – Гатова плануюць у снежні. Пасля гэтага чакаецца, што нагрузка на МКАД зменшыцца.

Будаўніцтва вядзецца без выхадных з 08:00 да 18:00. На аб’екце задзейнічана каля 40 спецыялістаў і прыкладна 25 адзінак тэхнікі.