Пасля маразоў у Беларусь вернецца цяпло

• 13.11.2026, 22:09

Сіноптыкі расказалі пра надвор’е на наступным тыдні.

З панядзелка ў надвор’і настае чарговы пераходны ўзрост, але спачатку давайце паспрабуем да гэтага дажыць. Белгідрамет бачыць у імгле шмат мокрага, слізкага і бескарыснага, але таксама ёсць яркія плямы сярод суму. Раздрукуйце сабе расклад бедстваў і прытрымлівайцеся.

У ноч на суботу снег працягне недарэчныя спробы выпасці — то пад адным ліхтаром, то пад другім. Да ранку наўрад ці дажыве. Дождж таксама магчымы. Удзень ападкі, відаць, ыссякуць, але ўключыцца вецер пры тэмпературы ад 2 да 7 градусаў. Аматараў такога надвор’я ў дом не зацягнеш.

Затым ціск папаўзе ўверх, начныя дожджы са снегам на час адменяцца. Затое на пару начэй зможам сыходзіць глыбей у мінус — да чатырох градусаў марозу. Удзень у нядзелю ад 1 да 8 цяпла.

Пачатак чарговага бурлення намечаны на панядзелак. Зноў уключыцца вецер, да сярэдзіны тыдня ён можа разагнацца да небяспечных значэнняў — але пачакаем папярэджанняў. Зноў пачнуць прасочвацца ападкі, да аўторка яны пакрыюць усю краіну і пратрымаюцца найменш тры суткі. Пакуль меркаваецца, што яны будуць пераважна ў вадкім выглядзе, але і снег не выключаны. Уначы ўся гэтая вадкасць можа замярзаць.

У той жа час сярэдняя тэмпература падрасце. Сіноптыкі чакаюць, што яна перавысіць норму на 1—4 градусы. У сераду ўдзень ужо спёка ад 4 да 11 цяпла.