Дзмітрый Ярош: Украіна здольная дабіць расійскую недаімперыю

• 13.11.2026, 23:32

Крэмль сутыкнуўся з крызісам адразу ва ўсіх сферах.

Аб'ектыўная інфармацыя сведчыць, што РФ знаходзіцца ў перадкатастрафічным стане. Гаворка пра фінансы, эканоміку, дэмаграфію, узброеныя сілы, этнічныя, рэлігійныя і рэгіянальныя праблемы, пра маральны і духоўны заняпад. Таму Уладзімір Пуцін гуляе ва-банк, карыстаючыся няздольнасцю Трампа і раз'яднанасцю ЕС.

Пра гэта ў сваім блогу піша былы лідар «Правага сектара» Дзмітрый Ярош.

Асноўнай геапалітычнай сілай, што стаіць на шляху расійскай экспансіі, з 2014 года з'яўляецца Украіна.

Безумоўна, без падтрымкі заходніх партнёраў мы, украінцы, не ўтрымаліся б цягам столькіх гадоў. І менавіта мы з'яўляемся галоўным стрымлівальным фактарам супраць экспансіі Восі зла (РФ, Кітай, КНДР, Іран)… І ў нас усё атрымліваецца! Мы спынілі зло і паспяхова абараняем Заходнюю цывілізацыю ад сучаснага варварства…

Галоўнае цяпер — не капітуляваць, не даць слабіны, перажыць, актыўна ваюючы, зіму і вясну… Бо РФ на мяжы паразы.

Вядома, калі б не ўнутраны вораг, дурні, калабаранты і карупцыянеры-марадзёры, нам было б нашмат лягчэй, і нашай крыві пралілася б менш, і вынік вайны ўжо быў бы зусім іншы — значна лепшы для нас. Але як ёсць…

У адным упэўнены: мы, украінцы, здольныя раз і назаўжды пераадолець гэтую недаімперыю, здабыць сапраўдную самастойнасць і саборнасць, пабудаваць развітую, квітучую, справядлівую, інавацыйную дзяржаву. Верым у свае сілы! Слава Нацыі! Смерць ворагам!