У крамах з'явіўся незвычайны фрукт з В'етнама
- 16.11.2026, 15:41
Названая цана.
У сетцы «Суседзі» прадаюць чомпу — ружовае яблыка. Упакоўка вагой 500 грамаў каштуе 18,99 рубля.
Фрукт прывезлі з В'етнама. На выгляд чомпу падобны да невялікай грушы, як адзначае «Онлайнер».
Унутры ў яго сакавітая і хрумсткая мякаць, у інтэрнэце апісваюць смак як саладкаваты, з лёгкім кветкавым адценнем.
Раней стала вядома, што ў Беларусі пачаліся афіцыйныя продажы абноўленага кросовера Li L6.