BE RU EN

Навошта Эстоніі спатрэбілася дзяржава ў воблаку

  • 16.11.2026, 16:02

Балтыйская краіна распрацоўвае спецыяльны план.

Улады Эстоніі распрацоўваюць план, які дазволіць дзяржаве працягваць працу нават у выпадку расійскага ўварвання і акупацыі тэрыторыі. Для гэтага Талін рыхтуе перанос дзяржаўных лічбавых сэрвісаў на замежныя воблачныя платформы і стварэнне рэзервовай інфраструктуры за межамі краіны, піша POLITICO (пераклад — сайт Charter97.org).

Эстонія з насельніцтвам 1,3 млн чалавек мяжуе з Расіяй. Новы план прадугледжвае магчымасць працы дзяржаўных сістэм з-за мяжы, калі нацыянальныя дата-цэнтры будуць знішчаныя або замежныя войскі займуць тэрыторыю краіны.

«Цяпер мы хочам быць сапраўды анлайн, нягледзячы ні на што. Усе крытычна важныя службы павінны працаваць», — заявіў адзін з распрацоўнікаў стратэгіі, былы намеснік генеральнага сакратара Мінюста Эстоніі па лічбавай інфраструктуры і кібербяспецы Тыну Грюнберг.

Для гэтага ўлады выкарыстоўваюць інфраструктуру Microsoft Azure, Amazon Web Services і ўласную дзяржаўную воблачную платформу. Рэзервовая копія дзяржаўных даных ужо захоўваецца ў так званым лічбавым пасольстве Эстоніі ў Люксембургу. Там знаходзяцца звесткі з рэестраў грамадзян і нерухомасці, а таксама заканадаўчая база краіны.

Дадатковыя меры сталі вынікам вопыту маштабнай кібератакі 2007 года. Тады на працягу 22 дзён хакерскія атакі выводзілі з ладу дзяржаўныя і камерцыйныя сэрвісы.

Дарадца Міністэрства юстыцыі Эстоніі па ІТ-інфраструктуры Аллан Аллмерэ патлумачыў, што цяпер задача палягае не толькі ў захаванні даных, але і ў забеспячэнні паўнавартаснай працы дзяржавы з іх дапамогай падчас крызісу.

Апошнія навіны