Лаўроў: Расію выцясняюць з усіх энергетычных рынкаў
- 16.11.2026, 19:27
Кіраўнік МЗС РФ запанікаваў.
Расію «выціскаюць» з Нафтавай індустрыі Сербіі (NIS), выцясняюць з усіх энергетычных рынкаў свету. Пра гэта заявіў кіраўнік МЗС РФ Сяргей Лаўроў у інтэрв’ю Андрэю Кандрашову для ТАСС і ВГТРК.
«Яны [ЗША] ганарліва абвясцілі, што венесуэльская нафта цяпер кантралюецца імі, а не Кітаем і Расіяй. Хаця мы нічога там не кантралявалі, і кітайцы таксама, але мы былі партнёрамі. Нас выцясняюць адтуль, нас выцясняюць з усіх энергетычных рынкаў», — адзначыў міністр.
«Адобрана дактрына дамінавання на сусветных энергетычных рынках, якая ўвасабляецца ў жыццё. Нафтавая індустрыя Сербіі, дзе галоўным акцыянерам з’яўляецца «Газпром нефть», рэфармуецца. Нас адтуль таксама выціскаюць», — адзначыў Лаўроў.