BE RU EN

Гэта не выпадковае трапленне

  • Тарас Беразавец
  • 16.11.2026, 20:37

У СПА Крымскага моста выяўленыя брэшы.

Аналіз па Керчанскім мосце.

Па-першае, што робіць гэтую атаку ўнікальнай — тое, што яна здзейснена не з мора, як дзве папярэднія, і не аўтатранспартам, як першая, найбольш паспяховая, а з паветра. Іншыя спробы паразіць з паветра стратэгічны аб’ект былі, але яны аказаліся няўдалымі. Гэта — першая, якая ўдалася.

Па-другое, трапілі ў правую, бліжэйшую да паўвострава, арку аўтамабільнага пераходу. Гэта не выпадковае трапленне, а мэтанакіраванае: куды цэліліся, туды і трапілі. Арку прыкметна «пацягнула», і не факт, што дарожны пралёт устоіць, асабліва пасля паўторных трапленняў.

Па-трэцяе, акрамя таго, іншыя дроны трапілі па дарожным палатне. То бок паспяховых пускаў было некалькі. Мясцовыя сцвярджаюць, што гэта былі рэактыўныя дроны. Магчыма.

І нарэшце — там, дзе раз, там і два. Пачатак пакладзены. У сістэме СПА знойдзеныя брэшы, і туды можна трапляць зноў.

Тарас Беразавец, Telegram

Апошнія навіны