BE RU EN

Дзесяткі выбухаў: ЗСУ нанеслі новы ўдар па Крымскім мосце

  • 17.11.2026, 8:04

Мясцовыя паблікі паведамілі пра ракетную атаку.

У раёне Керчы на акупаваным паўвостраве прагрымела серыя магутных выбухаў. Паводле даных украінскіх маніторынгавых каналаў, 17 лістапада Крымскі мост пацярпеў другую за суткі масіраваную атаку. Рух аўтатранспарту па ім часова перакрылі, піша New Voice.

Што вядома пра атаку

Першымі пра сітуацыю паведаміў тэлеграм-канал «Крымскі вецер». Каля 4:00 па Мінску маніторынгавыя каналы паведамілі пра ракетны абстрэл моста. Паводле іх даных, за вечар па збудаванні нанеслі не менш як 15 удараў, а атака ішла «з усіх бакоў».

Раней, а 2:05 па Мінску, OSINT-аналітыкі праекта Exilenova+ апублікавалі кадры ўдару па арцы Крымскага моста.

Прызначаны Расіяй кіраўнік Крыму Сяргей Аксёнаў заявіў пра другую за суткі атаку на мост. Паводле яго слоў, рух транспарту прыпынены. Ён папрасіў жыхароў і гасцей паўвострава ўстрымацца ад паездак у бок моста і ўлічваць абмежаванні пры планаванні маршрутаў.

Што чулі ў Керчы

У горадзе былі чутныя шматлікія выбухі, расійская СПА спрабавала адбіць атаку. Паведамлялася пра верагоднае збіццё беспілотніка. Расійскія паблікі пісалі пра вялікую колькасць паветраных мэт, што ляцелі ў кірунку моста.

Пазней падпісчыкі «Крымскага ветру» паведамілі пра магутныя выбухі непасрэдна ў раёне моста і абвяшчэнне ракетнай небяспекі. Паводле іх слоў, выбуховыя хвалі былі настолькі моцнымі, што ў некаторых дамах Керчы выляцелі вокны.

Перадгісторыя

Напярэдадні, 16 лістапада, Аксёнаў ужо заяўляў пра ўкраінскі ўдар па Крымскім мосце. Тады ён паведаміў, што рух будзе перакрыты «прыблізна да сярэдзіны дня». У Керчы акупацыйныя ўлады разгарнулі «аператыўны штаб», паводле слоў Аксёнава, працягвалася ліквідацыя наступстваў удару.

Апошнія навіны