У Крымскага моста пашкоджаная другая арка
- 17.11.2026, 16:33
«Фламінга» паразілі і чыгуначную частку пераправы.
У выніку камбінаванай атакі з ужываннем дронаў FP-1 і крылатых ракет FP-5 канструкцыі Крымскага (Керчанскага) моста атрымалі крытычныя пашкоджанні. Пра гэта паведаміла ў Telegram украінская кампанія па вытворчасці зброі Fire Point.
У кампаніі адзначылі, што ў ноч на 17 лістапада Сілы абароны Украіны правялі адну з самых маштабных аперацый.
«Вынік — больш за 270 метраў аўтамабільнага палатна разбурана. Арка моста абрынулася ў выніку шматлікіх трапленняў», — гаворыцца ў паведамленні.
Пры гэтым адзначаецца, што крылатай ракетай FP-5 «Фламінга» была паражана чыгуначная частка моста, у выніку чаго яна атрымала пашкоджанні.
У Fire Point паведамляюць, што да аперацыі былі прыцягнутыя сотні інжынераў і вайскоўцаў для праектавання, вытворчасці, разведкі, планавання і правядзення аперацыі.