Фільм «Змярканне» прадказаў з’яўленне Паттынсана ў бондыяне
- 17.11.2026, 19:16
Прадказанню ўжо 18 гадоў.
Фільм «Змярканне» мог прадказаць з’яўленне брытанскага акцёра Роберта Паттынсана ва франшызе бондыяны. Пра гэта паведамляе Dailystar.
Паводле звестак выдання, карыстальнікі сацсетак заўважылі такое «прадказанне» падчас перагляду першага фільма. У сцэне школьнікі абмяркоўваюць будучы выпускны баль. Адзін з вучняў раздае ўлёткі, аформленыя ў стылі бондыяны. Пасля фразы «Азартныя гульні. Смокінгі. І Бонд. Джэймс Бонд», Эдвард Кален (у выкананні Роберта Паттынсана) выходзіць з машыны, што стаіць непадалёк.
«Дарэчы, «Змярканне» літаральна прадказала, што Роберт Паттынсан стане Джэймсам Бондам», — адзначыў карыстальнік TikTok.
16 лістапада студыя Amazon MGM Studios пацвердзіла, што Роберт Паттынсан стане новым Джэймсам Бондам. Кампанія апублікавала першыя промаматэрыялы і паказала Паттынсана ў вобразе агента 007.
Фанаты франшызы падзяліліся на два лагеры. У каментарыях пішуць як захопленыя, так і расчараваныя водгукі.
Кастынг на ролю новага Джэймса Бонда стартаваў яшчэ ў маі 2026 года. Працэсам кіруе Ніна Голд — намінантка на «Оскар», вядомая па працы над «Гульнёй тронаў», пяццю часткамі «Зорных войнаў» і іншымі буйнымі праектамі.
Рэжысёрам новага Бонда выступіць Дэні Вільнёў («Дзюна»), а над сцэнарыем працуе Стывен Найт («Вострыя казыркі»).