BE RU EN

Польскіх лётчыкаў F-35 навучаць працаваць з амерыканскімі ядзернымі бомбамі

  • 18.11.2026, 6:43

У межах праграмы Nuclear Sharing.

Пілотаў польскіх знішчальнікаў F-35 плануюць навучыць выкарыстанню амерыканскіх ядзерных бомбаў у межах праграмы Nuclear Sharing («Сумесныя ядзерныя місіі»), паведамляе WP Wiadomosci.

Паводле крыніц у НАТА, Варшава падала заяўку на ўдзел у праграме DCA (Dual Capable Aircraft — «Самалёты падвойнага прызначэння»), якая адкрывае шлях да далучэння да механізму Nuclear Sharing — ён дазваляе саюзнікам НАТА выкарыстоўваць амерыканскую тактычную ядзерную зброю ў выпадку вайны.

ЗША пакуль разглядаюць заяўку Польшчы. Як са спасылкай на матэрыял піша Defence24, у разе яе адабрэння польскія пілоты і тэхнічны персанал пройдуць спецыяльную падрыхтоўку ў Злучаных Штатах, а знішчальнікі F-35 будуць дадаткова абсталяваныя для выканання ядзерных місій. Падрыхтоўка можа заняць каля двух гадоў.

Пры гэтым раней намеснік міністра абароны краіны Павел Залевскі паведаміў, што амерыканскія ядзерныя боепрыпасы не плануюць размяшчаць на тэрыторыі Польшчы.

Апошнія навіны