BE RU EN

Лукашэнка заклікаў суддзяў «рыхтавацца да вайны»

  • 19.11.2026, 12:10

І выказаў незадаволенасць іх працай.

Дыктатар Аляксандр Лукашэнка 19 лістапада на нарадзе з судзейскім корпусам патрабаваў ад беларускіх суддзяў гатоўнасці дзейнічаць ва ўмовах ваеннага часу, паведамляе яго прэс-служба.

Паводле яго слоў, уся краіна цяпер «тэстуе і наладжвае алгарытмы ваеннага часу»: навучаюць і правяраюць ваенных, сілавікоў, тэрытарыяльную абарону і апалчэнне. Судам, заявіў ён, нельга заставацца ўбаку.

«Яшчэ раз паўтаруся, ніхто не хоча вайны, але мы абавязаныя быць гатовымі да любога развіцця падзей. Нас да гэтага вымушаюць»

Суддзям намякнулі, што яны мала робяць

Лукашэнка пацікавіўся, як судовая сістэма ацэньвае сваю гатоўнасць «дзейнічаць у асаблівы перыяд», і сам жа канстатаваў слабы прагрэс у гэтым накірунку.

«Гэта не рыторычныя пытанні. Сёння ў дадзеным накірунку пакуль вашых дзеянняў няшмат», — незадаволена заўважыў ён.

Нагадаем, Лукашэнка не упершыню распавядае пра «падрыхтоўку да вайны». 13 кастрычніка на нарадзе з сілавікамі ён заявіў: «Мы рыхтуемся да вайны, каб яе пазбегнуць». Частыя праверкі Узброеных Сіл дыктатар тлумачыў ваеннай актыўнасцю заходніх суседзяў Беларусі.

Апошнія навіны