Названая папулярная спецыя, якая абароніць печань

• 4.11.2026, 11:15

Але падыходзіць яна не ўсім.

Куркума можа спрыяльна ўплываць на печань дзякуючы супрацьзапаленчым і антыаксідантным уласцівасцям. Паводле дадзеных даследаванняў, гэта папулярная спецыя здольная змяншаць запаленне і акісляльны стрэс, якія звязаныя з развіццём розных захворванняў печані.

Пра гэта паведамляе Verywellhealth.

Куркума таксама можа ўплываць на актыўнасць пячоначных ферментаў, якія ўдзельнічаюць у дэтаксікацыі арганізма. Акрамя таго, вучоных зацікавіў куркумін, які змяшчаецца ў ёй: ён патэнцыйна здольны памяншаць тлушчавыя адклады ў печані.

Адзін з навуковых аглядаў, які ахапіў дадзеныя больш як 1000 удзельнікаў, паказаў, што дабаўкі з куркумінам дапамагаюць пацыентам з метабалічна асацыяванай тлушчавай хваробай печані. Іх прыём спрыяў нармалізацыі ўзроўню пячоначных ферментаў, зніжэнню стэатозу, а таксама памяншэнню агульнага халестэрыну і індэкса масы цела.

Нягледзячы на магчымую карысць, яна падыходзіць не ўсім. Ад яе раяць устрымацца людзям з некаторымі захворваннямі печані, у прыватнасці з гепатытам, а таксама пры парушэнні праходнасці жоўцевых пратокаў.

Асаблівая асцярожнасць патрэбна цяжарным і жанчынам, якія кормяць грудзьмі: ім таксама раіць выключыць куркуму з рацыёну.

Такім чынам, пры ўсіх абнадзейлівых выніках даследаванняў не варта разглядаць куркуму як самастойны сродак лячэння хвароб печані. Перад прыёмам дабавак з куркумінам неабходна ўлічваць стан здароўя і магчымыя супрацьпаказанні.